DILI, STLTIMORLESTE.com – Investidores husi Brunei Darussalam Stratacom Global, Peter Wong ohin hasoru malu ho Primeiru Ministru (PM) Kay Rala Xanana Gusmão, hodi koalia kona-ba insfraestrutura sosial no investimentu iha Timor Leste (TL).
Lia hirak nee hatoo husi investidores Brunei Darussalam, Peter Wong Diretor Globa, wainhira hasoru Primeiru Ministru (PM), Kay Rala Xanana Gusmão iha Palasiu Governu, Segunda nee (24/03/2025).
“Previleiju boot mai ami ohin hasoru malu ho Primeiru Ministru no Ministru Administrasaun Estatal, Tomas Cabral, hakarak ko’alia no diskute kona-ba infraestrutura sosial sira no investimentu iha Timor Leste, iha Munisipiu Baukau no Manatutu, aprezentasaun ida ne’ebé di’ak tebes, ami nia proposta no hanoin boot kona-ba ida nee mak investimentu,” katak Pater Wong Director Group Global,” dehan nia.
Peter Wong haktuir, ohin enkontru ida neebe diak tebes hamutuk ho Mentery Age, neebe servisu hamutuk ho Ministru Administrasaun Estatal Tomas Cabral no apoiu husi reprezentante Major Timor Leste iha Brunei Darussalam, Abel Guterres.
“Ami ohin enkontru diak iha minutu balu nia laran, ami iha nee tinan barak ona no vizita ona fatin oin-oin neebe la hanesan, nomos hatete katak aprezentasaun di’ak tebes hodi koalia detalhu liu kona-ba investimentu no infraestrutura iha Timor Leste neebe apoiu husi reprezentante Major TL iha Brunei,” katak Peter Wong.
(EST 2)
