DILI, STLTIMORLESTE.com – Servisu Edukasaun Munisípiu Dili submete ona relatóriu okupantes neebe sei iha areador eskola Munisipiu Dili.
“Hau hanoin kona-ba okupantes neebe mak balun too agora sei hela iha eskola, parte Edukasaun Munisipiu Dili submete ona relatoriu ba parte ME nasional hodi relata hotu ona, maibe atu kontinua sobu mak ami mos seidauk hatene,” afirma Superintendente Edukasaun Munisípiu Dili, Cesarina C. Guterres ba STL, Sesta nee (30/01/2026).
Superintendente Edukasaun Dili nee dehan, okupantes iha eskola balun hamamuk ona fatin, hanesan iha EBC 10 Dezembru Komoro, EBC Bidau Akadiru-hun, Sergio Vieira de Melo, no balun mak too agora sei nafatin iha areador eskola nian. Kona-ba komunidade sira seidauk sai nee media sira bele direita husu ba Edukasaun Munisipiu Dili.
Nunee mos Direitor Eskola Sekundariu Jeral nu 4 Setembru Balide, Sergio A. da Cruz dehan, sira seidauk sai, sira nia oan lao ba mai iha turma oin nee bele prejudika prosesu ensinu aprendizajen ba estudantes sira.
“Husu ba parte kompetensia atu rezolve ho emerjensia, tanba se lae ita bele halo diak oinsa mos rezultadu sei zero. Liga ho esforsu nebe hadia mas komunidade sira nia oan ba estraga hotu. fiar katak sei rezolve,” dehan nia.
(jac)
