DILI, STLTIMORLESTE.com – Ministeriu Justisa halo ona submisaun lista indultu balu ba Prezidente Republika (PR), José Ramos Horta.
“Lista ba indultu nee konforme pedidu sira neebe mai husi servisu prizionais sira, ita halo ona submisaun ba iha Prezidente Republika kona-ba Indultu ninian,”.dehan Ministru Justisa, Sergio da Costa Hornai ba jornalista sira iha Lesidere, Tersa (22/04/2025).
Nia hatutan, nia laiha serteza kona-ba numeru ema nain hira mak halo submisaun, lista indultu ba Prezidente Republika. Maibe konserteza halo ona submisaun ba Prezidente Republika bazeia ba pedidu sira husi servisu prizionais sira.
No sei iha tan buat balun sei haruka tan mai, hanoin mos ba too iha loron 20 Maiu tinan nee, sei halo submisaun bainhira iha lista ruma ka pedidu ruma mai husi familia Servisu Prizionais ninian.
Iha fatin ketak, Diretor Prizaun Gleno, Cristiano Salsinha dehan, lei neebe iha kondenadu neebe atu hatama pedidu hetan indultu, familia sira bele hatoo pedidu direita ba iha Gabinete Apoiu Juridiku PR.
“Ami propoin nain lima haree ba iha sira nia idade, tanba haree ba sira nia idade 70 ba leten,” dehan nia.
(ter)
