DILI, STLTIMORLESTE.com – Subvensaun publiku iha faze primeiru nian, neebe MESSK aloka ba Instituto Superior Cristal (ISC) halo konstruksaun laboratoriu ba estudantes fakuldade saude.
Lia hirak nee hatoo husi Reitor ISC, Sebastiao Perreira ba STL iha nia knaar fatin, Sesta nee (25/10/2024).
“Primeiru nee mak ami uza hotu ona, maibe ba segundu ninia nee seidauk. Primeiru faze nian nee ami halo konstruksaun laboratoriu andar rua, iha primeiru faze nee ami hetan rihun US$ 129, no relatoriu ami hatama ona ba MESSK. Total osan ba faze primeiru no faze segundu nian mos horiseik tama tan ona, ho total orsamentu hamutuk rihun US$ 324,” katak nia.
Sebastiao dehan, osan subvensaun publiku ba faze daruak ninia sira sei uza halao formasaun lian portugues ba dosentes sira, no apoiu ba estudantes sira neebe mak hetan prestasaun diak, haree sira nian dezempenhu diak, ba mos formasaun pedologika, total dosentes neebe sei tuir formasaun nee hamutuk 64.
(jac)
