DILI, STLTIMORLESTE.com – Guarda Prizional sira sujere atu parte relevante bele haree kona-ba Estatutu Guarda Prizional nian, atu bele aselera lalais iha iha tempu badak.
Tuir Diretor Prizaun Suai, Rui Gonsalves katak, estatutu Guarda Prizional importantes tebes, tanba nee tau konfiansa atu bele aselera lalais iha tempu badak.
“Sujere atu bele aselera hodi regula servisu Prizional nian lao ho diak,” dehan nia ba jornalista STL liu husi telefene, Kinta (07/08/2025).
Iha sorin seluk, Diretor Prizaun Gleno, Cristianho Salsinha dehan, kona-ba estatutu Guarda Prizional dala ruma tinan oin foin implememta, tanba haree ba orsamentu, maibe husu atu aselera lalais.
“Parese tinan oin foin implementa, tanba orsamentu, maibe husu atu aselera lalais,” dehan nia.
Nia hatutan, Guarda Prizional balu idade ona maibe kontinua servisu no balu iha nivel edukasaun neebe boot, maibe seidauk iha estatutu hodi regula sira, tanba nee husu atu aselera lalais estatutu nee.
Iha fatin ketak, Akademiku UNTL, Rafael de Jesus dehan, atu halao servisu ho diak presiza estatutu ida.
“Hau hanoin atu halo servisu ho diak presiza iha estatutu ida hodi regula, tanba nee tau konfiansa ba iha Governu atu haree mos kestaun ida nee,” dehan nia.
Nia hatutan, iha duni estatutu ida hodi valoriza sira neebe servisu kleur ona, hodi nunee sira mos rekonhese katak, Governu tau matan ba sira.
Aleinde nee Ministru Justisa, Sergio Hornai katak, tuir los nee halao tiha ona iha fulan sira liu ba kotuk, maibe ho razaun tanba halo kontajen ba orsamentu sira nee.
“Iha hela Konselhu Ministru, hein reajendamentu iha tinan ida nee bele konklui, implementasaun nia efetividadade depois prozimo Orsamentu Jeral Estadu,” dehan Sergio.
(ter)
