DILI, STLTIMORLESTE.com – Komando Polisia Nasional Timor Leste (PNTL), Munisipiu Dili, sei la tolera kualker sidadaun sira sunu fugetes iha bairu-bairu hodi pertuba ordem publiku.
Lia hirak nee hatoo husi Komandante PNTL Munisipiu Dili, Superientidente Xefe Polisia Orlando Gomes ba jornalista sira iha Komoro, Dili, Segunda (11/11/2024).
“Ba sira neebe mak tiru fugetes arbiru ita sei halo operasaun no wainhira ita haree evidensia joven sira tiru fugetes ita mai foti hodi halo identifikasaun depois prosesu,” dehan nia.
Nia afirma, Komando Munisipiu Dili fo ordem ona ba Komando Operasaun hodi fo ordem ba eskuadra sira ba seksaun sira tomak, forsa rezerva informasaun sekreta sira, atu nunee bele buka identifika ba loja sira atu bele halo operasaun hodi haree fugetes sira neebe mak faan lemo-lemo iha loja laran.
(mar)
