DILI, STLTIMORLESTE.com – Ministru Ensinu Superior Siensia no Kultura (MESCC – sigla português), José Honorio afirma, tama eskola ba Universidade Nasional Timor Lorosa’e (UNTL) laos difisil, maibe depende ba kreatividade estudante sira nian.
“Ema barak dehan eskola iha UNTL hotu kleur, maibe nee depende liu ba kreatividade estudante nian, tanba eskola atu hotu sedu ka tarde, nee depende kapasidade estudante nian,” dehan Ministru hafoin halo serimonia Judisium ba dala-31 iha Salaun Mahoka, Dili, Segunda (25/11/2024).
Tuir Ministru hatete, prosesu estudu neebe halao iha UNTL laos kleur, tanba prosesu normal tinan haat (4) too tinan lima (5), maibe prosesu nee hotu depende ba kreatividade estudante nian, atu hotu ikus ka uluk, importante mak estudante tenke iha kapasidade no abilidade, hafoin sai ba merkadu trabalhu nian.
Tanba nee husu ba Timoroan hotu, liu-liu vida estudante sira, eskola publiku no privadu neebe deit, atu hotu sedu ka tarde depende ba interese individual, liu husi kreatividade, abilidade no kapasidade sira.
(EST 1)
