DILI, STLTIMORLESTE.com – Asosiasaun Tane Konsumidores halo monitorizasaun ba iha loja sira, tanba iha loja balu halimar ho presu tuir sira nia hakarak.
Prezidente Asosiasaun Tane Konsumidores, Robin Araujo hatete, iha 4 Dezembru 2024, halo presu kabas rua tama sai uma loja presu mantein duni, maibe entre loja balu neebe mak marka ida deit, maibe faan iha fatin seluk ezemplu hanesan iha loja Pantai Kelapa, Bidau, WFour, Meimart Timor Plaza nia presu la hanesan, dala ruma fatin nee mak selu karun ka oinsa, maibe iha lei sobre presu justu iha Nu. 29/2011 nee presu sira tuir nia persentajen.
“Ami sei vizita derrepente ba iha loja sira nee para atu haree ba presu sira nee, maske presu normal, maibe monitorizasaun ami halo beibeik durante fulan hirak nia laran para haree ba presu nee, tanba loja balu malandru oituan sira hasae presu sasan tuir sira nia hakarak deit,” hatete Robin Araujo ba jornalista sira, iha Bairo Pite, Sesta nee (17/01/2025).
Nia hatutan, Tane Konsumidores sei konvoka reuniaun ida nomos ho negosiante sira hotu para esplika sobre lei nee ba sira para komprende, tanba negosiante sira la hatene katak lei sobre presu justu nee iha, maibe sira la komprende nomos garantia ba produtu eletroniku telefone, jeleira, ac, loja barak la hatene lei nee iha, nunee Tane sei sosializa, tanba lei iha Timor garantia tinan ida hola telefone garantia tinan ida nomos jeleira, nunee se mak sasan nee aat durante menus tinan ida sira iha atu troka fali fali ou koalia konsumidores sira oinsa bele rezolve.
Maibe konsumidores iha direitu kuidadu sasan nee ho diak, laos hola sasan halo aat tiha depois loja halo sala fali nee labele, nee Tane Konsumidores nia fokus durante tinan ida nia laran.
Nia dehan, Tane Konsumidores sei kolabora parte relevantes hanesan AIFAESA, MKI para sasan sira nee, sira mak iha Autoridade bele aplika koimas.
(joa)
