DILI, STLTIMORLESTE.com – Tekniku sira husi Diresaun Nasional Servisu Kadastru (DNSK) tuir formasaun durante tinan ida, kona-ba oinsa utilizasaun sistema modernizasaun ba dadus sira.
“Governu Koreanu liu husi sira nia NGO Internasional iha Timor fo ajuda treinamentu ba tekniku sira iha Kadastru, atu kria data veis neebe mehi hela katak, iha futuru atu halo dijitalizasaun ba ami nia AIT iha Terras Propriedade iha teritoriu tomak,” dehan Sekretariu Estadu Terras Propriedade (SETP), Jaime Javier Lopes ba jornalista sira iha Kaikoli, Tersa nee (29/10/2024).
Tekniku tuir governante nee katak, fo hela treinamentu ba Kadastru no Diresaun Nasional Terras Propriedade, tanba rendimentu neebe halo tinan naruk nee nia dadus manual hela, ho mehi Governu nian oinsa mak atu halo modernizasaun ba dadus neebe Terras Propriedade halo durante UNTAET nia tempu mai to iha tinan 2024.
Tanba nee sei esforsu atu haree sistema nasional Kadastru neebe iha, oinsa mak ligasaun ho dadus neebe Terras Propriedade halo kontratu arendamentu, atu too ikus mai publiku bele asesu. No sukat rai sira bele uza drone sira aprende hela iha futuru mai, sira sei sukat ho aparelu neebe foun liu, tanba iha tempu Indonezia, dada metru kaer aparelu neebe manual hela, maibe liu husi treinamentu sira bele uza sasan modernu sira atu sukat.
“Agora mosu ho forma foun sei sukat ho drone neebe uza iha loron leten, no treinamentu neebe halao durante tinan ida, formasaun nee kompostu husi ema 30 resin, inklui mos ho baze de dadu no sukat rai drone nian,”dehan nia.
Iha fatin ketak, Akademiku UNTL, Sebastião dos Santos dehan, ohin loron teknolojia mudansa ona, tanba nee tenke uza sasan sira neebe foun.
“Hanoin importante tebes atu utiliza sasan sira neebe modernu atu apoiu funsionariu sira atu halao servisu ho diak liu,” dehan nia.
(ter)
