DILI, STLTIMORLESTE.com – Oras nee daudaun Ensinu Tekniku Vokasional (Tekvo) 15 mak sei menus komputador ba estudantes sira.
Kestaun nee hatoo husi Diretor Nasional Ensinu Sekundariu no Tekniku Vokasional, Fernando Mouzinho Gama ba STL iha edifisiu ME, Kinta nee (24/10/2024).
“Hau hanoin iha 2025, ita fo prioridade liu ba atu sosa komputador, neebe orsamentu nee aprova ona, agora ita hein debate iha Parlamentu Nasional, bainhira aprova no Prezidente promulga, entaun ita bele fo prioridade atu sosa komputador ba ita nian ensinu tekvo sira, liu-liu ba materia multimedia ninia, hau hanoin kuaze 50% mak sei menus komputador, maibe hakarak ka lakohi ita sei kompleta nesesidade sira nee, 50% nee sura ba numeru karik eskola 15 mak sei menus komputador,” dehan nia.
Nia hatete, ho eskola 15 neebe sei menus komputador, planu ba 2025 sei halo akizasaun sosa komputador ba estudantes iha ensinu tekvo, diresaun ida nee sei esforsu aan nafatin para bele sosa material sira nee ba tekvo, tanba laos komputador deit mak menus, maibe ekipamentus sira seluk mos sei menus hotu.
(jac)
