DILI, STLTIMORLESTE.com – Eskola Tekniku Vokasional no Ensinu Sekundariu Jeral iha Munisípiu Ainaro husu aumenta profesores.
Lia hirak nee hatoo husi Diretor Servisu Edukasaun Munisípiu Ainaro, Patricio da Costa Magno ba STL liu husi telefone, Sesta nee (06/03/2026).
“Ita nian ensinu tekvo no ensinu sekundariu neebe mak agora daudaun lokaliza iha Munisipiu Ainaro nee, ita sei presiza atu aumenta tan profesores, tanba iha Ainaro ensinu sekundariu jeral sei falta tolu, liu-liu iha disiplina ba lingua português ninia,” dehan nia.
Nia hatutan, tanba nee ba oin presiza atu aumenta profesores ba ensinu tekvo, liu-liu ba iha departamentu ninia, espera katak ho bolsa kandidatu profesores neebe mak Ministeriu Edukasaun rekruta ona nee bele rezolve ona eskola neebe too agora sei menus profesores.
“Ita nian eskola tekvo nee presiza profesores ba iha departamentu hirak neebe ita nian profesores sei menus, tanba oinsa mak bele koloka profesores mai iha nibel ensinu neebe mak ohin hau mensiona nee bele kompleta,” tenik nia.
(jac)
