DILI, STLTIMORLESTE.com – Relasiona ho loron 20 Maiu Restaurasaun Indepedensia neebe sei selebra ba dala 23, ho tema “Hametin Pas no Dezenvolvimentu, ezije Ema Hotu Nafatin iha boa Bontade Hodi Kolabora Lori Dezenvolvimentu ba Nasaun Timor Leste”.
Arsebispu Metropolitana Dili, Dom Virgilio Cardeal do Carmo da Silva, SDB hatete, hanoin ba iha komemorasaun loron 20 Maiu ho tema hametin pas no dezenvolvimentu, reflete ba tinan esperansa neebe uma kreda Papa Francisco uluk fo sai peregrinu esperansa ida nee furak ida ba ema hotu.
“Ita agradese ba tema ida nee lao tuir kedas tema uma kreda ninian, fo nafatin esperansa laran metin ba Timoroan tomak, laran metin ba ukun nain sira, maske iha problema dezafiu hotu -hotu, maibe hotu-hotu nafatin iha vontade diak, ida nee atu dezenvolve rai ida nee, atu esperansa nee labele sai deit liafuan mamuk, maibe eziji ema hotu nia boa vontade atu kolabora hodi lori dezenvolvimentu ba ita nia rain,” hatete Arsebispu Metropolitana Dili, Dom Virgilio Cardeal do Carmo da Silva, SDB ba jornalista sira iha Igreja Katedral, Domingu nee (18/05/2025).
Dom Virgilio sublina, hakarak dezeju loron ksolok loron importante ba Timoroan tomak, ba iha festa loron 20 Maiu Restaurasaun Indepedensia nian.
(joa)
