DILI, STLTIMORLESTE.com – Estadu Timor Leste (TL) nuudar Estadu Independensia no Soberanu, neebe moris ho sistema demokrasia, tanba nee tempu agora koalia kona-ba dezenvolvimentu laos atu konta fali istoria.
“Ita rona iha Parlamentu Nasional (PN) deputadu balun hakilar dehan funu laos ita boot rasik mak halo, signifika funu nee ema hotu mak halo, too ukun rasik aan, entaun presiza atu koalia kona-ba mudansa ba dezenvolvimentu nasional, laos atu koalia kona-ba istoria, katak ema neebe mak halo funu no lae,” dehan Diretor Ezekutivu, Asosiasaun HAK, Felisiano da Costa de Araujo ba STL iha Farol, Dili, Kuarta (20/2)11/2024).
Povu tuir Felisiano hakarak atu moris ho dezenvolvimentu neebe prosperu situasaun neebe atu lori povu ba moris ho dignu, laos atu konta deit istoria, povu laos presiza ida nee.
Tanba uluk povu nia luta mak hetan Independensia, entaun objetivu ba ukun rasik aan nee saida! Signifika atu dezenvolve povu ba moris ho sobrevive no bem-estar, laos atu konta fali istoria ba istoria hodi hafalun povu nia aspirasaun no preokupasaun sira.
Iha fatin seluk, akademika husi Universidade Nasional Timor Lorosa’e (UNTL), area Ciensia Politika, Fransisco Xavier afirma, tempu ba koalia politika nee hotu ona, tanba politika koalia iha kada tinan lima (5), troka Governu, nunee erra ida agora koalia kona-ba pratika husi dezenvolvimentu nasional ba povu.
Tanba nee labele koalia politika beibeik sein pratika, no asaun konkreru ruma, hodi solusita povu nia problema sira, hanesan, asesu ba edukasaun, saude, no setor importante sira seluk, neebe neglijensia hela, entaun temlu ona para koalia ida nee, laos tempu politika hotu mos kontinua toka politika, halo promete sira neebe uluk harii iha povu hotu nia matan.
Entretantu Primeiru Ministru, Kay Rala Xanana husu ba membru Governu hotu atu kontinua halao servisu ho masimu iha tinan 2025 hodi servi povu ho diak, tanba Governu atu halao servisu ho masimu, nunee membru Governu hotu, tenke buka atu servisu ho diak atu servi povu ba moris dignu no reziliente.
(EST 1)
