DILI, STLTIMORLESTE.com – Tempu Kuarezma ema presiza halo orasaun, tulun maluk neebe kbiit laiha, no hader aan. Buat tolu nee halo relasaun metin ho Nai Maromak.
Lia hirak nee hatoo husi Padre, Manuel Pinto liu husi nia omilia iha Kapelina Kristal Balide, Domingu (22/02/2026) hatete, tempu Kuarezma ema hotu simu ezijensia tolu neebe iha kuarta feira sinzas liu ba rona, katak badinas halo orasaun, badinas tulun malu, badinas hader aan, oinsa ema nia relasaun ho nain Maromak nemak husi orasaun nee, oinsa relasaun ho aan ida nee mak Jejun, oinsa mak relasaun ho ema seluk liu husi karidade neebe halo.
“Buat tolu nee mak dala barak ita ema komete ka dala barak ita ema monu bainhira ita lamoris ho nain Maromak nia grasa, sala neebe ema ida halo iha nia impaktu ba buat tolu nee hotu, hau halo sala hau nia impaktu ladiak ba nain Maromak, hau sala impaktu ladiak ba hau nia maun alin sira, hau halo sala konserteza hau mos halo aat hau nia aan halo aat ba hau nia dignidade, neebe programa tolu neebe nain Maromak fo mai ita neebe santa kreda fo mai ita atu ita moris tuir iha lalaok kuaresma nia ida nee nia relasaun mak nee orasaun ho ita nain Maromak Jejun ho ita nia aan no aktu de karidade oinsa mak ita hatudu ita nia diak ita nia domin ba ita nia maun alin sira,“ dehan Padre.
Padre selebrante nee dehan Amu Papa Francisco nia mensajen iha tempu kuaresma nee naruk los maibe Papa Leao iha tolu deit premeiru mak iha tempu kuaresma sarani idak idak buka atu hatene rona nain Maromak, adaun ho eva la hatene rona Nai Maromak monu sala no monu ba mate, hatene rona Nai Maromak katak buka tau ita nia vida pratika tempu kuarezma ida nee saida mak ema nia obrigasaun saida mak tenke halo atu bele tama lalao ksolok paskoa nia.
Segundu Amu Papa Leao dehan, jejun nee laos deit konaba han naton iha kuarta feira sinzas ka sesta iha tridu paskal maibe jejun nee mos koalia konaba saida mak ema nia defeitu pesoal, se hader mai tiktok too kalan ida nee presiza jejun, se ibun gossip lapara buka atu hader ba aan konaba ida nee, se hanoin nee negative deit konaba ema seluk buka halo jejun ba ida nee, se ida mak lahalo entau laiha progresu ba penitensia kuaresma.
Jejun nee redus ba hahan no muda hahalok sira nee dala barak dada ba sala no dada atu sobu relasaun iha moris.
Terseiru Amu Papa dehan, husi domin no karidade ba maun alin sira neebe menus aihan ka laiha liu buat ida iha sira nia moris.
“Iha ita nia situasaun, iha ita nia igreza Timor dala barak ita organiza ita nia aan tama iha parokia ka instituisaun ka eskola iha fatin oin oin husi instituisaun Governu nia tau hamutuk sasan hodi lori ba kiak sira orfinatu sira, moras sira, hanoin ida nee mak domin ba maun alin sira,” dehan Padre.
Padre dehan agradese ba Maromak tanba ema monu iha tentasaun oin oin maibe nain Maromak nia domin nunka failha iha moris, atu eleva no repara hadia relasaun ho nain Nain Maromak no hadia relasaun ho maun alin sira no relasaun ho aan.
(eme)
