DILI, STLTIMORLESTE.com – Tuir Xefe Estadu Maiór Jenerál Forsa Armada (XEMGFA), Tenente Jenerál Domingos Raul “Falur Rate Laek'” enkoraja Membru FALINTIL-Forsa Defesa Timor Leste (F-FDTL) atu kaer metin legadu no espíritu neebe FALINTIL halo hodi hatudu solidu iha ai-laran funu hasoru forsa invasor sira too alkasa ukun aan.
Nia dehan, objetivu prinsipal husi sesaun reflesaun ida nee, hatur iha kriadu ida ne’ebé konsidera hanesan importante ba instituisaun F-FDTL.
“Reflesaun ida nee importante tebes hodi haree ba futuru no pasadu neebe interligadu, tanba jerasaun gelireiru neebe hahu pertense onra no ruin neebe mak harii liberdade ba Timor Leste husi ai laran ho raan no sakrifisiu neebe lakon ema soldadu no komandante barak no barak mak sei moris hamutuk iha F-FDTL lao daudaun ba iha situasaun reforma. Tanzisaun ida nee mak impoin no obrigasaun moral atu asegura katak, legadu nee pasa ba solidu no tranzisaun ida neebe responsalvél no profisionalizasaun no modernizasaun F-FDTL laos alkansa deit liu husi ekipamentu ka infrastrutura foun sira, maibe liu-liu alkansa ho kapital umanu preparadu, rezilente no konsilente kona-ba ninia istoria no ninia abut,” hatete Xefe Estadu Maiór Jenerál Forsa Armada (XEMGFA), Tenente Jenerál Domingos Raul “Falur Rate Laek'” ba jornalista sira liu husi nia deskursu iha ambitu reflesaun loron trasformasaun FALINTIL ba F-FDTL dala 25 neebe halao iha Kuartel Jenerál F-FDTL Fatuhada, Tersa (27/01/2026).
Nia esplika, iha reflekasaun nee iha Eis Primeiru Ministru Jeneral Taur Matan Ruak, Xefe Estadu Maiór Jenerál Forsa Armada (XEMGFA), Tenente Jenerál Domingos Raul “Falur Rate Laek” hamutuk Ministru Defeza (MD) Kontra Almirante Donaciano do Rosario da Costa Gomes “Pedro Klamar Fuik” halo reflexaun kona-ba komemorasaun loron Transformasaun FALINTIL ba F-FDTL ba dala-25 neebe sei realiza iha 02 Fevereiru 2026.
Nia esplika, Ministru Defeza sei toka pontu importante iha reflesaun nee mak ho tema “Seguransa Global no Seguransa Timor Leste Nian ” no prespetiva politika kona-ba tranzisaun jerasaun lideransa F-FDTL ninia, oinsa atu deskualifika dezafiu geopolitiku sira haleu F-FDTL.
Nia deklara, iha ambitu reflesaun ba loron transforamasaun FALINTIL ba F-FDTL ba dala-25, Eis Primeiru Ministru Jenerál Taur Matan Ruak ninia prezensa iha reflesaun ida nee, laos deit fahe teoria abstrata, maibé fahe esperensia real kona-ba pasadu tomada desizaun iha momentu sira neebe mak defisil.
“Reflesaun ida nee serve atu konsesializa ba ita boot sira katak, libertasaun nasionál ita la hetan hanesan oferta, maibe ita alkansa ho sakrifisiu susar no terus oin-oin. Sakrifisiu sira nee hotu mak forma ita nia identidade lo-loos nuudar Timoroan hotu neebe moris ho prinsipiu ho valor no ho dignidade,” informa.
Tanba nee konvida membru F-FDTL sira no ofisiál joven sira atu loke aan ba reflesaun ho hanoin neebe mak nakloke ho vontade atu aprende no rona direitamente husi sasin sira ne’ebé mak halo istoria.
“Reflesaun ida ne’e oinsa Al absorve analiza akademiku no estrátejiku sira neebe harew imi-nia an nuudar autór konsiente iha istoria foun imi sei halao hodi kontribui ba Timor-Leste”, nia hatutan.
Entretantu transforamasaun aniversáriu FALINTIL ba Forsa Defeza Timor Leste (F-FDTL) ba dala-25 neebe sei halao iha 02 Fevereiru 2026 iha Munisípiu Aileu.
(jen)
