DILI, STLTIMORLESTE.com – Prezidente Republika (PR), Jose Ramos Horta hatete, aban Tersa sei fo pose ba Prezidente Tribunal Rekursu (PTR) no Prokurador Jeral Republika (PJR).
Prezidente Republika, Jose Ramos Horta hatoo kestaun nee bainhira remata vizita trabalhu ba nasaun Bulgaria ho reuniaun fila hikas mai Timor Leste iha Aeroportu Internasional Nicolau Lobato, Komoro, Segunda (28/04/2025).
Lista neebe Prezidente simu nee sese no bainhira mak pose, hatan ba kestaun nee Prezidente Republika hatete, labele fo sai lista nee maibe aban mak Prezidente Repubika pose.
“Nee labele tanba serimonia pose aban mak ita boot sira bele rona,” katak Prezidente Republika, Jose Ramos Horta.
Signifika katak aban fiksu ona fo pose ba Prezidente Tribunal Rekursu ho Prokurador Jeral Republika ka oinsa, hatan ba kestaun nee Prezidente aban loraik pose ona.
“Figura nain rua, Prezidente Tribunal Rekursu ho Prokurador Jeral nee labele, tanba iha serimonia pose aban mak ita boot sira bele rona, pose aban oras 04:00 loraik toma pose,” dehan Horta.
(eme)
