DILI, STLTIMORLESTE.com – Governu liu husi Komite Revisaun Orsamentu (KRO) Kuarta nee instituisaun estadu sira halo analiza no revizaun ba proposta orsamentu adisional ba Orsamentu Jeral Estadu (OJE) 2026 neebe mak antes nee submete ona, bazeia ba tetu neebe Ministeriu Finansa (FM) distribui.
Ministeriu Asuntu Kombatentes Libertasaun Nasional (MAKLN), Gil da Costa Monteiro “Oan Soru” dehan, objetivu ohin hasoru malu ho komisaun KRO, ami nia orsamentu laiha adisional neebe orsamentu tuir tetu fiskal neebe mak iha, ami mai ho ida nee.
“Adisional ohin ami la husu, tetu fiskal neebe mak fo ba nee mai ho ida nee halo ezersisiu, se hau mak ministru tiha hau dehan labele husu sira nandigas ida idak ba husu ninian, orsamentu neebe tetu fiskal nee hamutuk US$ 201 milhões,” dehan MAKLN, Gil Oan Soru ba jornalista sira iha Salaun Auditorial Aitarak Laran, Kuarta nee (06/08/2025).
Nunee MAKLN halo servisu prioridade liu ba iha programa konstrusaun jardins dos herois sira, restus mortais sira iha territoriu Timor laran tomak hamutuk rihun sanulu rua resin, dezde IV Governu too agora foin mak hakoi mate ruin rihun rua rua nulu resin haat, hela rihun sanulu seidauk haloot
“Nia dehan, orsamentu nee ba programa konstrusaun jardins dos herois iha teritoriu laran tomak nee hotu, iha fatin neeba mak agora obra lao hela preve nafatin orsamentu para balun neebe mak bele konklui, konklui daudaun ona, balun neebe mak seidauk konklui kontinua konklui restus mortais neebe mak bele hakoi iha tinan 2026 hakoi daudaun ba 2027 hanesan nee hotu.
Nia dehan, Orsamentu Jeral 2025 ninia implementasaun prinsipiu ami mak persentajen kiik oan liu, tanba pagamentu ba segundu rejistu neebe mak agora mosu hela reklamasaun no konstentasaun seidauk halo.
“Iha fulan Dezembru dala.ruma halo pagamentu balun nia persentajen nee sae, agora daudaun ami foin mak too iha 27% nee ba programa konstrusaun jardin dos herois sira, agora daudaun sira lao hela no pagamentu ba pensaun veteranus lao hela pagamentu ba sira segundu rejistu nee seidauk, maibe ba segundu rejistu sei halo iha fulan Dezembru.
OJE 2025, MAKLN prevee US$ 207,069,136 hodi aloka ba salariu vensimentu US$ 1,787,636, bens no servisu US$ 5,949,982, transferensia publika US$ 195,515,922, kapital menor US$ 76,000, kapital dezenvolvimentu US$ 3,739,596.
(EST 1)
