DILI, STLTIMORLESTE.com – Aviaun Militar husi Filipina ho marka 142 Filipina Air Force deporta Arnolfo Teves Jr ba fali nia nasaun orijen Filipina.
Tuir observasaun STL katak, Aviaun Air Filiphine Force too Aeroportu Internasional Nicolau Lobato tuku 13:20 meudia. No aviaun nee ho objetivu atu lori fila Arnolfo Teves ba fali nia rai orijen Filipina. Iha Kinta (29/5) ohin autoridade seguransa Timor Leste hamutuk ho entidade Embaixador Filipina ofisialmente deporta Arnolfo Teves Jr ba fali nia nasaun orijen Filipina.
Iha prosesu nee simu direta husi Interpol Filipina, molok entrega ba autoridade Filipina, Embaixador Filipina hamutuk ho Departamentu Ministeriu Justisa Filipina ho autoridade seguransa asina nota entrega hodi entrega Arnolfo ba nia Nasaun Filipina.
Iha ambitu nee autoridade seguransa la autoriza Arnolfo Teves nia oan tama ba aeroportu bainhira nia atu komprimenta dala ikus nia apa molok lori ba Filipina.
Entretantu iha ambitu nee Fujitivu Armolfo Teves Jr neebe hatais kalsa badak kor metan ho faru mutin, nia ain ho liman kesi metin alzema nee hateke ba jornalista hatete hau nia liman moras, maibe obrigadu ba Timor Leste.
Taves, Polisia Investigasaun Migrasaun lori ba aviaun laran iha tuku 14:15 OTL, no konforme informasaun neebe jornalista STL halibur iha terenu katak, aviaun Filipina Air Force nia laran iha sela ketak, katak Fujitivu Armolfo Teves sei hatama iha sela nee too nia nasaun orijen Filipna.
(jen)
