DILI, STLTIMORLESTE.com – Defeza husi Arnolfo Teves Jr, Jose Ximenes deklara katak, persegisaun neebe antes nee husi Governu atual Filipina halo ba iha sira nia kliente, oras nee daudaun halo mos ba iha Prezidente Filipina, Ferdinand Marcos Jr, nia Visi Prezidente Filipina, Sara Duterte.
Tuir Advogadu Privadu, Jose Ximens katak, notisia ikus media Nasional Filipina nian, Visi Prezidente Sara Duterte, Visi Prezidente Republika Filipina nian, fo nia deklarasaun iha media tomak Filipina nian, iha pontu rua.
Pontu importante primeiru, nia hatete kona-ba oinsa persegisaun Politika neebe halo husi Governu atual ba nia opozisaun sira, neebe sempre halo kritika ba ninia Governu atual.
“Kazu primeiru mak halo hasoru sira nia kliente Arnolfo Teves Junior, persegiasaun politika neebe halo hasoru sira nia kliente nee, ho modelu akuza sira nia kliente hanesan terorista. Banhira halao hela viajen ba Estadus Unidus Amerika, omisidiu ida akontese iha Filipina hasoru Governador ida, sira dehan Teves mak sai hanesan autor, hodi akuza Teves, ho modelu persegisaun mak akuza sira nia kliente, ho lei anti terorizmu nian,” dehan Jose ba jornalista sira, iha Manleu, Sesta (29/11/2024).
Nia dehan, fou-foun esplusa husi Teves husi nia kargu, depois kansela nia pasaporte, halo red notisia ba Interpol hodi hasai mandadu kapturasaun Internasional, halo konselamentu ba nia bens, ida nee mak modelu persegisaun politika neebe halo.
Tanba persegisaun nee mos halo ba iha Pastor ida, no ikus mai kaer Pastor refere ho tropa 5 mil ital, no agora akontese persegisaun hasoru Visi rasik, hahu komesa kaptura nia Xefi Gavinete, modelu perseigasaun politika neebe lao hela.
No persegisaun neebe halo husi Governu aktual, lideradu husi Marcos Jr akontese duni, nee laos la akontese. Antes nee persegisaun seidauk akontese ba Sara Duterte, sira nia testamuna ida presta nia deklarasaun iha Tribunal Rekursu dehan, sira tenta hela oin oin atu hasor Sara Duterte no testemunha nee fila, akontese kedan ba Sara Duterte. Persegiasaun hasoru Visi Prezidente hatudu katak, situasaun la normal.
“Husi desizaun Tribunal mak foin haree, se estradita tanba saida, no la estradita prienxe ona rekejitus ka lae, iha Filipiina iha pena morte ka lae, iha prizaun perpetua ka lae, iha persegiasaun politika ka lae,” hatete Jose.
Jose dehan, hatudu ona iha persegisaun politika iha Filipina, kualker ema bele sai alvu, tanba Visi sai ona tanba deit utilizasaun ben ikus mai nia osan koa hotu.
Sara Duterte deklara katak, modelu persegisaun neebe halo ba Teves mak viola lei anti terorista atu sai inimigu ema hotu nian, no Sara dehan utilizasaun dana kampanha sala no modelu persegisaun, tanba nee iha modelu persegisaun oin-oin atu kriminaliza ema neebe la gosta.
“Ita nia Konstituisaun artigu 35 numeru 2 proebidu, kualker sidadaun estradita ba nia paes orijen, banhira nia pais orijen nia governu no Estadu persegi hela nia, tuir Konstituisaun proebidu,” dehan nia.
(ter)
