DILI, STLTIMORLESTE.com – Sistema kona-ba rejista online hodi ba tarata pasaporte husi TIC mak kaer, maibe sira neebe iha falhansu ho telefone la rejista online, Notariadu kontinua atende.
Tuir Diretor Jeral Servisu Rejistu Notariadu, Agustinho Gonsalves Viera katak, kona-ba atu loke rejista ba iha ajendamentu online, ida nee husi TIC mak loke.
“TIC mak loke online nee, rejistu online nee TIC mak halo sistema sira loke tarjetu ba ema 100 ka 70 ema hotu prepara telefone, nia loke rejista ona tanba nia tenke taka fali kuandu nakonu ona,” dehan Viera ba STL iha Mandarin, Kuarta (09/04/2025).
Nia hatutan, sira neebe la iha telefone online la asesu ba linha internet bele ba, tanba funsionariu sira kontinua atende.
Hatan kona-ba planu sei produs kaderneta pasaporte hira, nia dehan, tinan ida nee nia laran iha planu sei produs tan kaderneta pasaporte rihun 75 ita, sei foti husi nasaun Finlandia, hodi kontinua fasilita sidadaun sira neebe sidauk iha pasaporte.
Reforsa, antes nee mos produs rihun 75, maibe agora hela deit rihun 52, rihin 20 resin mak pordus ona hodi fasilita sidadaun sira iha territoriu Timor laran tomak.
Sublina tan, planu Governu nian sei produs kaderneta pasaporte kada tinan, tanba atendimentu kada loron kontinua lao.
Diretor nee dehan, online fulan ida loke dala ida atu publiku sira neebe rejista bele rejista, kuandu sistema nakonu ona nia tenke taka ona. Maibe kona-ba online nee laos husi Notariadu mak kaer, maibe husi TIC. No ba sira neebe la rejista ba online, iha tratamentu urjente ruma Notariadu kontinua atende.
Iha fatin ketak, Komunidade Suku Komoro, Tomas Matins dehan, atendimentu online nee balu sempre hasoru difikuldade, tanba ladun entende didiak.
“Ema sira neebe kaer telefone bele iha konhesimentu diak atu rejista online, maibe ema balu labele rejista online, tenke tau mos atensaun kona-ba ida nee,” dehan nia.
Afirma tan, ba oin husu atu nafatin tau atensaun ba publiku balu neebe la liu husi rejista online, atu kontinua atende sira banhira tarata sira nia pasaporte. Liu-liu konaba ferik katuas sira, inklui ema sira neebe ho kondisaun defisiensia.
(ter)
