DILI, STLTIMORLESTE.com – Tinan rua konsesoins eskolar ba Eskola Sekundariu Nobel da paz Paradu ou la hetan osan refere, no tinan nee foin halo karta ba Ministeriu Edukasaun (ME) hodi hetan osan refere.
“Ami nian konaba hanesan osan konsesoins eskolar ninia nee mak ami seidauk hetan, maibe ami sei husu tan ida nee para sira bele fo ami, tanba tinan rua paradu tiha, ami lori fali karta ba Ministeriu atu nunee iha despaixu ruma, tanba durante tinan rua nian laran, Eskola Nobel la hetan konsesoins eskolar, ami simu deit merenda eskolar, ho ida nee ami sei halo karta ba Ministeriu, atu nunee bele hetan osan ida nee,” dehan Diretor Eskola Sekundariu Nobel da Paz, Jeremias P. de Jesus ba STL, Kuarta (30/04/2025).
Nia dehan, osan ida nee bainhira sai, nee laos ba Diretor ka fundador, maibe osan ida nee atu bele responde ba atividade neebe halao iha eskola refere, haree ba atividade saida deit mak professores no estudantes sira halao iha eskola.
Iha fatin la hanesan, Diretor Nasional Ensinu Sekundariu iha ME, Benjamin Gomes da Cruz Fernandes, hatete nee osan nasaun, lei termina katak, ba eskola privadu tenke hetan akordu entre Ministeriu ho eskola pribadu sira asina hotu ona hein prosesu atribuisaun,montante ba eskola pribadu,kada estudantes ida sei hetan dolar ida,maibe eskola publiku,kada estudante dolar rua, ninia montante la hanesan, nee asina tiha ona iha semana kotuk,ho direitor jeral administrasaun finansas no agora ninia prosesu lao hela.
“Livru manual nee inprinsipiu,hau hanoin eskola privadu sira halo pedidu mai iha diresaun,atu nunee diresaun kontinua ba kurikulum,atu nunee distribusi livru ba sira,maibe sekarik laiha pedidu mai mak ita koalia deit iha liur,nee ami labele hatene katak,ita boot sira menus livru,ami mos presiza eskrita hatudu katak,menus duni ka lae,nee ida,atu informa mos katak,konaba konsesoins eskolar ba eskola privadu.Ministeriu asina Akordu ona ho sira,iha tempu badak sei halo atribuisaun osan ba sira,” nia esplika.
(jac)
