DILI, STLTIMORLESTE.com – Sekretariadu Estadu Kooperativa (SEKoop), Arsenio Pereira da Silva hatete, programa prioridade ba SEKoop iha tinan 2025 mak kontinua nafatin programa sira neebe seidauk implementa iha tinan 2024 nian.
“Programa ba tinan 2025 nian ami kontinuasaun programa neebe iha, oinsa fasilita movimentu Kooperativas nee bele halo produsaun,” dehan SEKoop, Arsenioba jornalista sira iha Salaun Luz Clarita, Kinta nee (14/11/2024).
Nia dehan, nunee bele krese ekonomia familiar, iha rendimentu sira nian mai husi produtu rasik, tanba movimentu Kooperativas neebe iha hamutuk 230, Kooperativa neebe iha oinsa dudu sira bele halo produsaun rai laran hodi responde ba nesesidade familia.
Tanba atividades sira nee tuir ramos Kooperativas neebe iha mak hanesan ramos Kooperativa produsaun, ramos Kooperativa ba Peskas, kreditu uniaun, kreditu uniaun nee sira rai sira nia osan, maibe sira foti osan nee halo atividade ekonomia, balun halo produsaun kuda modo, hakiak animal nomos produsaun seluk, nunee faan rai sira nia osan.
Maibe kreditu uniaun nee rai no empresta, nia finalidade nee tenke halo produsaun para sai fontes rendimentu ba sira para rai fali iha neeba.
(joa)
