DILI, STLTIMORLESTE.com – Tinan oin Ministeriu Edukasaun (ME) liu husi Gabinete Avaliasaun Lisensiamentu no Akreditasaun (GALA) sei halao monitorizasaun ba eskola publiku no privadu iha Timor Leste.
Dehan Koordenador Gabinete Avaliasaun Lisensiamentu no Akreditasaun (GALA), Antonio Tomas Maia ba STL iha edifisiu ME, Kuarta nee (16/04/2025).
“Tinan ida nee ita seidauk halo monitorizasaun ba eskola privadu sira, tanba ita halo monitorizasaun nee fazeadamente, tinan oin mai ita halo monitorizasaun ba ita nian eskola publiku no privadu sira iha TL, tanba ita halo fazeadament,” nia esplika.
Iha parte seluk, Diretor Servisu Edukasaun Munisipiu Manatuto, Patricio da Cruz Quintao dehan, halo kontolu no monitoring ba eskola internasional sira nee kompetensia GALA ninia, tanba sira mak akredita ou fo lisensa ba eskola sira nee.
“Ita halo kontolu no monitoring ba ita nian eskola internasional, tanba ita nian eskola privadu balun seidauk akredita husi ME liu husi GALA, tanba nee GALA nian kompetensia, tanba sira mak akredita ou fo lisensa ba eskola sira nee,” nia afirma.
Nunee mos Diretor Servisu Edukasaun Munisipiu Ainaro, Patricio da Costa Magno hatete, ME liu husi GALA mak fo lisensa no akredita ba eskola sira, tantu publiku no privadu inklui eskola internasional sira neebe mak eziste.
(jac)
