DILI, STLTIMORLESTE.com – Tuir dadus husi Ministeriu Edukasaun (ME), profesores hamutuk 3.800 resin sei tama reforma iha tinan 2026.
Haktuir Porta-voz ME, Filipe Rodrigues Pereira ba jornalista sira liu husi konferensia imprensa neebe halao iha sala VIP ME, Sesta nee (04/04/2025).
“Ita boot sira hatene ona katak, horibain rua husi Konselhu Ministru aprova ona alterasaun ba idade reforma ninia, neebe hau hanoin tinan oin nee Komisaun Funsaun Publiku (KFP) sei aplika reforma obrigaroriu ba funsionariu sira hotu, hau hanoin nee inklui mos profesor sira. Ami iha nee iha dadus pur volta 3.800 resin, tinan oin mak sei tama ba iha reforma,” nia dehan.
Filipe dehan, ho rihun 3 resin vagatura neebe sei mai iha tinan 2026, nee ME sei iha vaga barak, ME sei loke mos ba Ensinu Baziku no Ensinu Sekundariu Jeral, dala ruma bele mosu tan, tanba profesores barak mak sei reforma iha tinan oin.
(jac)
