DILI, STLTIMORLESTE.com – Bainhira Timor Leste (TL) adere ba iha Association of Southeast Asian Nations (ASEAN), ensinu superior sira tenke prontu kompete ho universidade sira husi rai liur.
Reitor Dili Institute Of Technology (DIT), Salustiano dos Reis Piedade dehan, kuandu tama ona ba iha Asean, nee tenke prontu halo kompetisaun ho universidade iha rai liur. Sekuandu la halo kompetisaun bele lakon merkadu, tanba nee ensinu superior sira tenke prontu kompete, tanba siensia nee kuaze hanesan deit, nunee tama Asean tenke halo kompetisaun,nee importante tebes.
“Hau hanoin tama iha membru ASEAN, nee buat ida neebe governu desidi ona ita prontu kualker tempu. Tanba la too fulan tan ona, maibe universidade ninia preparasaun klaru katak,kuandu ita tama ona ba iha membru ASEAN, nee kompetisaun makaas,entaun ita tenke prepara aan didiak,atu nunee bele halo kompetisaun,” dehan Reitor DIT, Salustiano ba jornalista STL, Sesta (12/09/2025).
Nia hatete, bainhira tama iha ASEAN ensinu superior presiza kompete,t anba siensia iha mundu nee kuaze hanesan deit, fila-fali ba oinsa atu implementa siensia sira nee,neebe tama ASEAN, nee sempre iha kompetisaun.
Jornalista: Jacinta Sequeira
Editora: Domingas Gomes
