DILI, STLTIMORLESTE.com – Timor Leste (TL) ho Bulgaria sei hametin lasu diplomasia no hametin relasaun esplora area kooperasaun foun entre nasaun rua nee.
Prezidente Republika, Jose Ramos Horta too ona Bulgaria, tuir planu sei hasoru malu ho Prezidente Bulgaria Rumen Radev, Primeiru Ministru Rossen Jeliazkov no Ministru Negosiu Estranjeiru Georg Georgiev, hodi hametin lasu diplomatiku.
Tuir komunikadu neebe STL asesu husi media Prezidensia Republika Segunda nee (21/04/2025) katak Prezidente Republika, Jose Ramos-Horta ho delegasaun too iha Aeroportu Internasional Sofia iha tuku 15:10 oras lokal, iha neebe simu direta husi Embaixadora Naun-Rezidente Bulgaria nian ba Timor Leste, Tanya Dimitrova.
Durante vizita ofisial nee, Prezidente Ramos-Horta tuir planu sei hasoru malu ho Prezidente Bulgaria Rumen Radev, Primeiru Ministru Rossen Jeliazkov, no Ministru Negosiu Estranjeiru Georg Georgiev hodi hametin lasu diplomatiku no esplora area kooperasaun foun entre nasaun rua nee.
Itinerariu Prezidente nian inklui hatoo palestra ida iha Institutu Diplomatiku ho títulu “Timor Leste Husi Konflitu ba Dame, Seguransa, no Integrasaun Rejional, hodi fahe viajen Timor-Leste nian ho komunidade diplomatiku Sofia nian.
Vizita kultural sira ba Igreja istoriku Boyana no Muzeu Nasional Istoria nian mos planeia antes Xefe Estadu sai ba Reinu Unidu iha loron 23 fulan-abril, iha neebe Prezidente sei envolve iha enkontru sira ho nível aas ho ofisial no instituisaun britaniku sira.
Prezidente Republika sai husi Timir Leste Iha Loron Domingu (20/04/2025) Prezidente no Laureadu Nobel ba Pas, Jose Ramos-Horta, hahu vizita ofisial ba Republika Bulgaria husi loron 20-23 fulan Abril tinan 2025, tuir fali ho vizita trabalhu ba Reinu Unidu husi loron 24-27 Abril tinan 2025.
Iha loron 23 fulan-abril, Prezidente Ramos-Horta sei husik Bulgaria hodi halao nia vizita traballu ba Reinu Unidu. Iha Reinu Unidu, Prezidente sei realiza serie enkontru nivel-aas ho ofisial no instituisaun Britaniku sira.
(eme)
