DILI, STLTIMORLESTE.com – Ekipa Selesaun Nasional Timor Leste neebe derota iha Jogu ASEAN Mitsubishi Eletric Cup 2024 neebe lakon ho Tailandia ho golu 10-0, Prezidente Republika (PR), Jose Ramos Horta husu federasaun tenke halo reflesaun ho servisu onestidade.
Prizidenta Republika, Jose Ramos Horta hatoo kestau nee ba jornalista sira iha Hotel Timor, Kinta nee (12/12/2024).
PR hatete, desportu nee importante tebes ba joven, nomos ba nasaun no mundu, tanba nee presiza promove desportu.
“Desportu importante tebes, importante ba ita nia joven sira, importante ba nasaun tomak no importante iha mundu rai bobot sira hanesan Amerika, Xina, Australia tau investimentu makaas, promove desportu ita ladun fraku los, federasaun sira tenke halo refleksaun balansu ba sira nia atividade, no federasaun sira mak tenke haree didiak no ho onestidade para aprezenta planu anual ba Governu,’ katak PR, Horta.
Prezidente Republika hatete, se Federasaun planu ba Governu, Prezidente Republika, suporta makaas hodi organiza futebol ho lo-loos importante organiza atividade atletizmu natasaun.
Tenke iha planu neebe diak, desportu nia tenke diak ho onestidade, no Governu tenke tau orsamentu tanba federasaun sira nee ladun iha osan no servisu fatin mos laiha, maibe agora iha ona fatin iha Bekora edefisiu iha neeba fatin nee tenke iha kualidade nunee lider sira desportu kontente ho maneira servisu diak.
“Tenke haree estadiu ida nivel internasional, Governu buka hela rai ba ida nee susar oituan, maibe hau koalia ho maun boot Xanana para buka hela rai ho nivel internasional,” hatete Horta.
Foin lalais ekipa selesaun nasional Timor Leste neebe derota iha Jogu ASEAN Mitsubishi Eletric Cup 2024 neebe lakon ho Tailandia ho Golu 10-0.
(eme)
