DILI, STLTIMORLESTE.com – Timor Leste (TL) ho Estadu Unidos Amerika (EUA) sei hametin kooperasaun iha area maritima nomos kooperasaun bilateral.
Kestaun nee hatoo husi Enkaregado Negosiu Estranjeiru EUA mai Timor Leste, Bruce Begnell ba jornalista sira bainhira remata halo enkontru ho Prezidente Republika Jose Ramos Horta iha Palasiu Prezidensial Nikolao Lobato, Bairo Pite, Tersa (19/08/2028).
Enkaregado nee hatete, enkontru ho Prezidente Republika nee diak tebes no iha hasoru malu nee diskute kona-ba kooperasaun iha area seguransa nomos kooperasaun bilateral.
“Enkontru ho Prezidente nee diak tebes, ami koalia kona-ba kooperasaun seguransa nomos asuntu seluk. Diskusaun lao diak tebes.no Prezidente mos ema ida neebe omilde tebes, ba oin hakarak reforsa liu tan ita nia kooperasaun bilateral neebe iha,” dehan nia.
Nia katak, ba oin EUA hakarak hametin diak liu tan kooperasaun entre rai rua iha futuru, liu-liu area seguransa maritima. Kooperasaun maritima nee laos ezersísiu konjuntu entre EUA ho Timor Leste deit, maibe ezersísiu konjuntu ho nasaun rejiaun sira seluk hanesan Australia iha ambitu kooperasaun defeza.
(eme)
