DILI, STLTIMORLESTE.com – Daudaun nee Timor Leste (TL) konsege hatun ona taxa malnutrisaun hahu husi tinan 2003 too mai 2020 husi 58% tun ba 47%, tanba nee Governu hamutuk ho parseiru sira esforsu atu hatun malnutrisaun iha nasaun ida nee.
“Ita konsege hatun taxa malnutrisaun hahu 2003 too mai 2020 husi 58% tun ba 47%,” hatete Diretor Ezekutivu Unidade de Missão para o Combate ao Stunting (UNMICS), Joel Maria Pereira ba jornalista sira iha hotel JL WORLD, Metiaut, Dili, Segunda (24/02/2025).
Nia dehan, krekas iha 121% iha 2007 konege hatun ba iha 8% iha 2020, maske konsiente katak ho atinjimentu sira neebe mak durante nee halo hodi elabora dadus sira oinsa buka atu solusiona numeru ida 47% malnutrisaun.
Nia esplika, dadus neebe mak iha nee em-termus stunting numeru iha 47% iha TL. Iha hotu-hotu hatete katak, nee hanesan numeru ida aas liu tuir standar nebe iha rejiaun tomak, tanba numeru nee rata-rata 20%, mais Timor Leste sei iha hela prevalensia 47%, kuandu haree liu ba profel numeru ida mos hatudu katak Timor mak numeru stunting seriu liu iha mundu tomak.
“Sai problema boot ba ita hotu nian, no preokupasaun ida neebe laos mai deit husi ita sira mak doador ka intervensaun sira ba poiu direita, maibe hahu kedas husi ita nia ukun nain sira,” nia esplika.
Nia dehan, ba Timor Leste nia kapasidade atu hatun numeru malnutirisaun nee bele neineik liu, ate agora kompra kondisaun rai Timor ho nasaun vizinhu iha nivel ASEAN, TL mak numeru stunting aas liu, koalia kona-ba mundial mos makaas liu.
(jen)
