DILI, STLTIMORLESTE.com – Timor Leste (TL) merese hetan investimentu boot iha Kampu Greater Sunrise, tanba TL laiha inimigu ho aliadu, maibe iha deit amigu.
Visi Ministru Asuntu Parlamentar (VIMAP), Adérito Hugo hatete, estudu nee halo refleta pozisaun Estadu Timor Leste nian, depois negosiasaun naruk ba Fronteira Marítima, nunee mos negosiasaun naruk oinsa atu dezenvolve Kampu Mina Greater Sunrise nian, ida nee la fasil no Governu Austrália ho Governu Timor Leste konkorda novu konseitu estudu nian.
Tanba nee hamutuk konkorda Kompanhia Internasional British Wood husi Britanika, neebe kompleta kbiit bolu non banding dokument, fo opsaun neebe vantajen boot. Tanba estudu nee hatudu katak vantajen boot mak dezenvolvimentu Greater Sunrise mai TL.
“Entermus kustu, Seguransa no Merkadu no buat sira seluk tan, TL hanesan membru ba ASEAN nuudar mos Membru CPLP, no TL mos iha politika livre, laiha inimigu no aliadu, maibe iha deit mak amigu, tanba nee bele atrai tebes ba atividades industria Petróleo iha TL”, informa VIMAP, Adérito Hugo ba STL iha Palasiu Governu, Kuarta (08/01/2025).
Nia dehan, laos nee maibe mos kaer ba ho kompradores investor sira daudaun nee direta ho indiretamente, neebe envolve iha Kampu Mina Bayu Undang, neebe oras nee rejime 100% iha TL, maibe Pipeline ida iha hela Darwin, maibe sira nee sai ona parseiru TL nian.
Tanba parseiru tradisional iha ona, nunee mos ho ambiente sira neebe atu hadia diak liu tan, ho politika estudu neebe benefisiu Greater Sunrise, dezenvolve iha Terretoriu TL nian, fo mos mensajen ba mundu, liu-liu ba mundu industria nian no setor sira seluk.
“TL merese hetan investimentu boot ba Kampun Mina Greater Sunrise, se investimentu boot iha TL, nia valor neebe boot tebes, direta indireta nee ita atrai investor sira seluk”, tenik Adérito.
(gui)
