PORTUGAL, STLTIMORLESTE.com – Primeiru Ministru (PM) Kay Rala Xanana Gusmão hasoru malu ho Prezidente Repúblika Português, Marcelo Rebelo de Sousa, hodi reafirma kooperasaun bilateral.
Hasoru malu nee iha Palásiu Prezidensiál Belém, Portugal, neebe simu Primeiru Ministru Xanana Gusmão ho parada militár no kontinua kedan ho enkontru entre líder nain 2.
“Enkontru durante oras ida nia laran nee, líder nain rua re-afirma akordu kooperasaun sira neebé Estadu rua selebra antes ona”, haktuir komunikadu neebe STL asesu Kinta (17/10/2024).
Delegasaun TL neebé akompanha Xefi Governu mak Visi Primeiru Ministru no Ministru Koordenadór Asuntu Ekonómiku no Ministru Turizmu no Ambiente, Francisco Kalbuadi Lay, Ministru Negósiu Estranjeiru no Kooperasaun, Bendito dos Santos Freitas, Ministru Justisa, Sérgio de Jesus Fernandes da Costa Hornai, Ministra Edukasaun, Dulce de Jesus Soares, Ministru Ensinu Superiór Siénsia no Kultura, José Honório da Costa Pereira Jerónimo, Ministru Interiór, Francisco da Costa Guterres, Sekretáriu Estadu Komunikasaun Sosiál, Expedito Dias Ximenes, Embaixadora Timor Leste iha Portugal, Isabel Guterres, Embaizadora Portugal iha TL, Manuela Bairos, no Xefe Gabinete PM, Elizabeth Exposto.
(gui)
