DILI, STLTIMORLESTE.com – Prezidente Republika (PR), Jose Ramos hatete, Timor Leste rekonhese Estadu Palestina iha tinan 2004.
“Timor Leste rekonhese Estadu Palestina dezde Primeiru Governu Konstitusional kedas iha tinan 2004, ita boot sira haree iha lista estadu sira rekonhese nee haree, la halo momen iha neeba, la halo deklarasaun formal ida maibe trata, tanba prosesu nee hahu ho prosesu rua ida akordu Oslo 1993, kuandu akordu Oslo kria autoridade Palestina,” hatete Prezidente Republika, José Ramos Horta ba jornalista sira iha Sala VIP Aeroportu Internasional Prezidente Nicolau Lobato, Komoro, Sabadu nee (2/08/2025).
PR dehan, kuandu kria autoridade Palestina, Timor Leste estabelese kedas nasaun diplomatiku ho Autoridade Palestina, depois Israel mak viola akordu Oslo too agora.
“Portantu hau defende 100% hamutuk ho Espanha, Irlanda, Norwegia rai sira nee rekonhese Estadu Palestina, laiha dalan seluk hau konkorda 100% komunidade internasional deklara rekonhesementu Estadu Palestina,” hatete PR Ramos Horta.
(joa)
