DILI, STLTIMORLESTE.com – Bainhira Timor Leste (TL) sai membru ASEAN, universidade sira tenke prepara aan ho diak, atu nunee bele halo kompetisaun ho universidade husi rai liur.
Haktuir Reitor Institute Ciensia Saude (ICS), Leao Borges ba jornalista STL, Kuarta (15/10/2025).
“Tama iha ASEAN nee ita prontu ita bele kompete ho universidade sira iha rai liur, liu-liu universidade sira iha parte ASEAN ninia,ita mos bele ba servisu iha sira nian,no sira mos bele mai. Neebe ita prontu simu realidade neebe mak iha, ita sempre buka meus para bele prepara ita nia aan didiak, ho nunee ita bele kompete,” nia informa.
Iha fatin seluk, Reitor Dili Institute Of Technology (DIT), Salustiano dos Reis Piedade dehan, kuandu tama ona ba iha ASEAN nee tenke prontu halo kompetisaun ho universidade iha rai liur. Sekuandu la halo kompetisaun, bele lakon merkadu,tanba nee ensinu superior sira tenke prontu kompete,t anba siensia nee kuaze hanesan deit. Nunee tama ASEAN tenke halo kompetisaun, nee importante tebes.
Jornalista: Jacinta Sequeira
Editora: Domingas Gomes
