DILI, STLTIMORLESTE.com – Reprezentante Komunidade Português husi Malacca – Malazia, Joseph Sta Maria hatoo agradese ba Timor Leste, tanba sai uma nain ba konferensia Asian Português Community Conference ( APCC).
Lia hirak nee hatoo husi Reprezentante Komunidade Português husi Malacca – Malazia, Joseph Sta Maria wainhira hasoru malu ho Primeiru Ministru (PM), Kay Rala Xanana Gusmão iha Palasiu Governu, Segunda (28/04/2025).
“Komunidade Português sira seluk iha Azia, ami agradese tebes ba Timor Leste atu sai uma-nain ba APCC, tuir mai konferensia Komunidade Português Aziatiku, kapitulu dahaat hau hanoin ida nee buat ida neebe ita muda ona ba nasaun ida, hau agradese ba Timor Leste atu sai uma nain no klaru, tuir mai ami mos haree hela ba Portugal atu sai uma nain iha tinan 2027, mi sei halo proposta sira nee iha konferensia fulan Junhu nia,” dehan nia.
Nia dehan, sira kontente tebes enkontru ho Primeiru Ministru, neebe durante nee fo apoiu tebes ba ajenda ida identidade Português iha Azia, iha Konferensia Azia Português nia liman, identidade neebe signifika patrimoniu kultural iha Malaka, koalia nafatin Português antigu.
Nia sublina, iha momentu neeba Kay Rala Xanana Gusmão neebe nuudar Primeiru Ministru (PM), nia mak konvida hodi mai no iha neeba mak sai inspirasaun neebe jera atu organiza kapitulu Aziatiku CPLP nian.
“Malaka sei hetan reprezentasaun makaas. Malaka sei mai ho espetakulu kultura nian, saida mak ami halo iha nia tempu dahuluk, hau sei hatete katak delegasaun dahuluk neebe ami lidera husi Malaka no mos husi Tugu mak iha 2014 bainhira ami iha CPLP, ita koko atu tulun malu hodi hakuak istória no kultura tradisionál ida neebe ita hetan husi Portugal, ita nia maun alin besik liu iha Azia mak Timor Leste, tentativamente hau hanoin katak ajenda ona iha fulan Junhu. Husi loron 26 -30 fulan Junhu iha Dili,” dehan nia.
Iha sorin seluk, reprezentante husi Komunidade Português iha Tugu – Indonezia, Thomas Quiko afirma, PM Xanana apoia tebes, no nia sei ajuda delegasaun atu mai iha nee, hanoin katak loron haat bele sai sufisiente atu halao konferensia ida nee, hein katak ida nee mak inisiu loos ba futuru neebe nabilan ba komunidade português iha Azia.
“Hau reprezenta Tugu, aldeia komunidade ida iha Jakarta Norte. Ami sempre partisipa iha konferensia, Azia Pasifiku (Asian Portuguese Community Conference – APCC). Ida nee ba konferensia dala haat, ami iha nee ba enkontru preparatoriun Komunidade sira husi Azia tomak hetan konvite, hanesan husi Maumere Flores, Larantuka, Makau, Goa, Sri Lanka, Malaka no klaru Tugu, hau nia aldeia”, katak nian.
(EST 1)
