DILI, STLTIMORLESTE.com – Timor Leste (TL) agora sai ona membru ASEAN, tanba nee labele lakon atu halo kompetisaun ho universidade neebe mak sai ona membru ASEAN.
Reitor Instituto Ciência Saúde (ICS), Leao Borges dehan, ho rekursu umanu neebe iha tenke prontu atu kompete.
“Ita tenke esforsu para bele halo kompetisaun. Universidade sira tenke hasae kualidade de ensinu iha instituisaun ensinu superior sira, atu nunee ita bele kompete. Orsamentu Governu nian husi MESSK apoiu ba ensinu superior sira iha rai laran, hodi hasae kualidade no halo kompetisaun nuudar membru ASEAN,” katak nia ba STL, Kinta (06/11/2025).
Nia haktuir, nuudar instituisaun ensinu superior privadu sira prontu atu bele kompete, tanba sira preparadu, liu-liu iha area saude ninia. Agora TL sai ona membru ASEAN, nee hakarak ka lakohi nee iha kompetisaun.
Nunee mos Reitor ICS, Sebastião Perreia antes nee dehan, TL tama ASEAN, universidade idak-idak tenke hakaas aan.
Jornalista: Jacinta Sequeira
Editora: Domingas Gomes
