.DILI, STLTIMORLESTE.com – Iha 2024 Ministeriu Solidaridade Sosial no Inkluzaun (MSSI) reajustamentu ba dadus benefisiariu labarik sira neebe eskola hamutuk 68,699, no total orsamentu ba bolsa da mãe kondisonal hamutuk US$ 7,012,716.
“Ita reajutamentu ba dadus sira hodi hetan total benefisiariu labarik sira neebe eskola hamutuk 68,699, no total orsamentu iha US$ 7,012,716,” hatete Ministra Solidaridade Sosial no Inkluzaun,
Verônica das Dores ba jornalista sira liu husi konferensia imprensa iha salaun MSSI,
Tersa (26/11/2024).
Nia dehan, ho nivel edukasaun mak Ensinu Primaria total benefisiariu hamutuk 40,293, orsamentu hamutuk US$ 3,868,128 no ba Ensinu Pre-sekundaria total benefisiariu nee hamutuk 21,981 ho orsamentu US$ 2,373,948 nomos Ensinu Sekundaria ho total benefisiariu hamutuk 6,422 ho nia orsamentu US$ 770,640.
Nia dehan, pagamentu neebe bazeia ba alterasaun dekretu lei nu 18/2012,4 de Abril, neebe kria dekretu lei bolsa da mãe kondisonal, ho montante orsamentu nee bazeia nível eskolar.
Nia esplika, Ensinu Primária nee US$ 8 kada fulan, no Ensinu Per-sekundaria kada fula US$ 9 nomos ba estudantes ho defisiensia sei hetan tan adisional US$ 5.
“Hau husu ba inan aman hotu katak, objetivu husi subsidiu kondisional bolsa da mãe nee atu tulun familia vulnerável sira, atu bele apoiu oan sira nia eskola, no oan sira bele remata sira nia eskola ho diak,” nia deklara.
Nia afirma, pagamentu ba faze primeiru nian hahu iha Junhu 2024 ba benefisiariu husi Munisipiu 11 deit, neebe mak momentu neeba la inklui Munisipiu Vikeke, Dili no Zona Espesial Atauro, tanba dadus sei iha prosesu verifikasaun.
(jen)
