DILI, STLTIMORLESTE.com – Trabalhador Timoroan neebe halao servisu iha rai liur, hanesan Inglatera, Irlandia, Australia, Korea do Sul no seluk tan transfere osan iha sistema finanseiru diak tebes.
Lia hirak nee hatoo husi Governador Banku Sentral Timor Leste (BCTL – sigla português), Helder Lopes ba jornalista sira, bainhira remata hasoru malu ho Prezidente Republika iha Palasiu Prezidensial, Nicolau Lobato, Bairo Pite, Dili, Kuarta (27/11/2024).
“Nee ita bolu dehan imbaun remitensia osan neebe tama mai ita nia nasaun, husi dadus neebe BCTL kapta liu husi osan neebe transfere iha sistema finanseira ida nee diak tebes-tebes. Tanba osan kontinua sae husi ita nia maluk sira neebe transfere osan mai iha ita nia rai ba ninia família ka ba objetivu seluk,” dehan Helder.
Nia dehan, tuir BCTL ninia hanoin bainhira haree ba dadus ida, neebe imbaun remitensia ba tinan kotuk nia reprezenta 12% husi ekonomia.
“Tanba nee mak ami hanoin kontinua haruka ita ninia ema ba rai liur, se karik ita nia ekonomia rai laran la konsege absorve hau hanoin ida nee meius ida neebe diak no propriu atu polítika nee kontinua. Tanba bainhira ita nia ema ba rai liur nia laos haruka deit osan mai nuudar benifisiu ita haruka sira ba maibe iha tan benifisiu seluk mak nia ba aprende skill neebe nia hetan tanba nia ba servisu iha area neebe dalas ruma nia iha nee nia la halo,” katak nia.
Governador BCTL nee hatutan, importante liu mak benifisiu hanesan etika servisu ida oinsa nia aprende atu disiplina servisu. Tanba bainhira envolve iha merkadu traballu atu halo negosiu etika servisu nee importante tebes-tebes.
Entretantu kona-ba Money changer nee lisensa ba sira iha ona money changer balu, bolu iha money transfere operitor (MTO) money changer sira nee mos nia atu lisensa hodi halo nee kompetensia TL nian.
(eme)
