DILI, STLTIMORLESTE.com – Tribunal Judisial Primeira Intansia Dili kondena arguidu ho inisial ES ho pena multa, tanba halo agresaun hasoru lezada (feen) ho inisial ACS.
Iha leitura sentensa nee, Juiz prosesu Fransisca Cabral deklara katak, faktus neebe iha balu la provadu, maibe balu provadu.
Tanba nee, atu halo redusaun iha futuru, Tribunal deside hodi aplika pena multa US$ 60 ba arguidu. No Tribunal mos esplika kuandu arguidu la kumpri pena nee mak arguidu sei tama prizaun alternativa durante loron 40.
Tuir akuzasaun neebe iha katak, arguidu halo agresaun ba lezada hanesan lori ain tebe lezada no lori liman tuku lezada nia ulun.
No iha loron tuir mai fila husi festa ida arguidu kontinua halo agresaun ba lezada.
Konsekuensia husi arguidu nia hahalok nee halo lezada sente moras hodi ba hatoo keixa.
Tanba nee, Ministeriu Publiku akuza arguidu komete krimi Violensia Domestika ho Forma Ofensa Integridade Fizika Simples neebe previstu iha artigu 145 husi Kodigu Penal.
Prosesu nee Prezide husi Juiz Singular Francisca Cabral, Ministeriu Publiku reprezenta husi Prokurador Hernani Rangel, arguidu hetan asistensia legal husi Defensor Publiku, Henrique Mariz.
(ter)
