DILI, STLTIMORLESTE.com – Ekipa husi Uniaun Nasional Eskuteiru Timor Leste (UNE-TL) relata progarama ba Prezidente Republika (PR), Jose Ramos Horta, iha biban nee Prezidente husu ekipa forma joven atu hadomi ambiente.
Bainhira remata hasoru malu, Prezidente Konselhu Nasional Uniaun Nasional Eskuteiru Timor-Leste (UNE-TL), Mariano Assanami Sabino ba jornalista sira iha Palasiu Prezidensial Nicolau Lobato, Bairo Pite, Tersa loraik (21/07/2026) hatete, mai hasoru Prezidente Republika Jose Ramos Horta nuudar Patrono ba eskuteru, hodi relata atividade no programa sira nee ba Xefe Eatadu.
“Ohin ami halo enkontru ho Prezidente Republika nuudar Patrono Eskuteru Nasional ami hatoo programa Eskuteru nasional prioridade sira neebe mak importante ho atividade sira neebe importante sei akontese iha tinan ida nee. Imi hotu hatene katak Eskuteru nasional atu organiza mobiliza liu liu ba joven foinsae sira hanesan halo diskusaun ho Prezidente Republika Prioridade premeiru mak formasaun karakter, karakter ida neebe displina, hakaas aan servisu no hadomi ambiente, hadomi balada sira nomos hadomi fraternidade Umana no solidariedade nee bele aumenta,” dehan Prezidente Eskuteru Nasional TL.
Iha hasoru malu nee Prezidente Republika Jose Ramos Horta mos oriente hanesan Patrono koalia mos konaba situasaun sira neebe mak sei hasoru hanesan El-Nino mudansa klimatiko tanba nee mak husi estrutura Eskuteru Nasional mos prepara programa balun liga ba mudansa klimatika.
Iha tempu badak iha 27-02 Agostu sei iha Jambore munisipal neebe mak sei akontese iha Bobonaro. “Nee halao hahu iha 27 too 02 Agosto depois sei haree mos ba Munisipiu seluk, atividade durante nee liu liu ba joven ho ambiente oinsa kuidadu rai oinsa kuda bee ho Visi Prezidente Ego Lemos rasik mak duni programa nee ita hein katak joven sira agora dadaun iha Universidade da Paz, UNTL, no Universidade lubuk ida ita tama hein katak ita hotu hadomi Eskuteru Nasional ita hotu hamutuk atu bele sai joven neebe util liu ba estadu hadomi ambiente iha valores prinsipiu neebe antigamente ema sempre fo solidariu ba ita apoiu ita ohin ita kuda fila fali valores sira nee iha Eskuteru Nasional,” katak Assanami.
Alende nee programa seluk neebe koalia ho Prezidente Repuliblika mak agora dadaun Eskuteru Nasional halao hela programa prioridade halai liu ba ambiente no mudansa klimatika.
“Tanba nee mak ita forma joven sira hadomi ambiente, kuidadu Floresta, kuda ai nasional nee importante, kuidadu bee, labele estraga rai monu, labele sunu rai arbiru nee parte ida mos ba pas nia, ida nee mak Prezidente nia preokupasaun liu liu mos oinsa mak joven sira ita hotu bele domin ba ita nia ambiente i agrikultura dezenvolvimentu rural sira neebe iha kraik nee ita presiza tebes ida nee, no Prezidente husu ema hotu iha sensiblidade ba ambiental, bee, Floresta, labele estraga nee importante,” katak Asanami.
Prezidente Republika Jose Ramos Horta rekomenda Eskuteru Nasional mak oinsa mak forma joven sira hadomi Pas, tanba Pas mak dalan uniku bele ba konstrusaun seluk, kuandu iha ona pas, hakmatek mak bele halo dezenvolvimentu ekonomia, no dezenvolvimentu seluk lao, tanba nee maki ha Estadu, Nasaun, depois ukun aan deklara kedas katak TL iha prosesu konstrusaun ba oin 4 ida mak konstrusaun ba Pas, konstrusaun estadu, konstrusaun nasaun, no kontrusaun karakter.
Pas nee ema hotu tenke reflete katak 300 pesaos mill mate mak sosa liberdade sosa pas, sosa dignidade, sosa sivilizasaun tanba nee mak husi abut ida nee tenke kuda pas, pas laos laiha konflitu, laiha dialogu, pas laos laiha kritika, pas laos laiha kontrariu malu idea, pas laos unifika partidu ida ka organizasaun ida, maibe pas importante ejiste justisa sosial ida nee, no sistema neebe iha mai duni ho fuan katak hakarak kontribui ho hanoin neebe saudavel hanoin neebe diak ba malu.
(eme)
