DILI, STLTIMORLESTE.com – United Nations Population Fund (UNFPA) fo apoiu tan ekipamentus ba Servisu Nasional Ambulansia no Emerjensia Medika (SNAEM,I.P).
Nia dehan, ekipamentus ba emerjénsia neebe UNFPA entrega ba SNAEM,I.P hanesan ekipamentu ba emerjensia nian, hanesan tanda kiik no boot, meza no kadeira nomos sira seluk.
“Ita ohin entrega ona ekipamentus emerjénsia nia ba SNAEM, depois UNFPA komesa oin distribui ba Munisipiu Ainaro ho Kovalima,” hatete Reprezentante Interinu UNFPA, Pamela Aine ba jornalista sira iha salaun SNAEM, Tersa (22/07/2025).
Nia tenik, ekipamentus sira nee atu responde ba situasan emerjénsia ba munisipiu sira no Munisípiu Dili nian entrega ona ba SNAEM.
“Ita distribui simbolikamente hanesan kadeira no meza, sasan sira nee bele responde ba situasan emerjénsia neebe ita nia komunidade sira hasoru,” nia esplika.
Iha fatin hanesan, Diretor Jeral Servisu Nasional Ambulansia no Emerjensia Medika (SNAEM,I.P), Simplicio Amaral de Deus informa, UNFPA fo apoiu tan ekipamentus emerjénsia nian liu husi Ministeriu Saude (MS) mai iha SNAEM,I.P agradese tanba entrega ona sasan hirak nee mai SNAEM.
“Ita nia parseiru husi UNFPA fo mai ita, liu ba SNAEM neebe Instutisaun Jerál neebe responsavel ba kualkér situasaun saude publika no dezastre iha Timor Leste, tanba nee mak ekipamentus neebe suporta husi UNFPA ita agradese ba Ministeriu Saude, espera katak apoiu ida nee ba futuru kontinua nafatin,” nia deklara.
Nia afirma, ekipamentus sira nee apoiu mos ba munisipiu sira neebe identifika, maibe sei fo nafatin ba munisipiu sira seluk, nafatin bazeia ba munisipiu sira neebe risku ba dezastre naturais.
(jen)
