DILI, STLTIMORLESTE.com – Universidade Nasional Timor Lorosa’e (UNTL) husu ba estudante sira hotu atu pro-ativu iha prosesu estudu, nunee bele kualifika kapasidade no mentalidade iha sosiedade.
“Ita husu estudante sira hotu atu hatudu nafatin sira nia kreatividade iha prosesu estudu no atividade ekola sira, liu-liu ba estudante sira neebe tinan barak ona mos seidauk finaliza estudu, husu atu bele sai pro-ativu,” dehan Reitor UNTL, João Soares Martins ba jornalista sira liu husi konferensia imprensa iha Liceu, Dili, Kuarta (13/11/2024).
Tuir Reitor UNTL nee, estudante sira neebe durante nee la ativu iha kursu universitariu nian, husu atu kontinua halo inskrisaun ba eskola nian, nunee bele kontinua fali prosesu estudu sira ho diak.
Tanba haree katak estudante ho total 48.134 iha UNTL kuaze la ativu, nunee husu ba estudante sira atu kontinua halo inskrisaun ba kada semestre, hodi kontinua fila-fali kursu estudu sira hanesan baibain.
(jac)
