DILI, STLTIMORLESTE.com – Bainhira ema uza liberdade neebe Nai Maromak fo la obedese ba Nain, no fiar liu ba ida bobar dor bosok ten, sei hakotu relasaun ho Maromak.
Tuir Pe. Manuel Pinto SDB liu husi nia omilia iha Kristal Balide, Domingu (22/02/2026) hatete, Maromak fo oportunidade ba ema atu halo reparasaun ba moris, halo penitensia ba failansu, sala no difikuldade humana neebe hasoru iha moris.
Padre selebrante dehan iha premeiru domingo nee furak tebes tanba nain Maromak liu husi liturgia domingo nee nia aprezenta leitura sira atu reflete konaba ema nia moris, ema nia frazilidade, des-obidiesia, ema nia inklinasaun neebe dala barak ba mundu nia hakarak no ba ema pesoal nia hakarak dukue ba Maromak nia hakarak.
“Uluk nanain Nain Maromak hakarak atu rekoinese iha ita ema katak ita ema iha nia Liberdade tomak, kuandu ita haree ba adaun ho Eva ninia monu tanba sira desobidese ba nain Maromak nia ordem, ema balun dehan nain Maromak nee bele impede adaun ho eva atu labele monu, no Nain Maromak nee onipotensia iha poder tomak atu evita adaun ho eva monu ba sala tanba sa nain Maromak lahalo, Nain Maromak respeita ita ema nia Liberdade 100%, tanba ita ema nia Liberdade mak lori ita nia Liberdade too ba hakotu ita nia relasaun ho nain Maromak,” dehan nia.
Neebe uza Liberdade neebe nain Maromak fo nee hodi des-obiedese ba Nain Maromak ninia ordem hakotu relasaun furak neebe Nain Maromak kria iha inisiu da vida humana iha inisiu da kriasaun.
“Hanesan ohin ita rona adaun ho Eva lori ita monu ba sala no lori ita monu ba mate, ho sira nain rua nia des-obidensia, neebe sira lafiar, ba Nain Maromak maibe ba fiar ida neebe bobar dor, bosok, no ida bobar nee so samea deit mak bobar, neebe ita ema neebe la koalia lialos nee dehan bobar ten, bobar dor nee hanesan Samea,” dehan Padre.
Padre dehan presiza obidese ba Maromak, Maromak fo posiblidade ba adaun, halo nia haksolok, fo posiblidade tomak halo nia brani, ukun kriatura tomak neebe nain Maromak tau iha nia liman, maibe nia halakon posiblidade hirak nee hodi monu ba sala, maibe kuandu Adaun ho ema monu ba sala nee katak sira moris sein deus lahoo ona nain Maromak, tanba laho nain Maromak husi sira nia sala husi sira nia desobidensia nee mak sira sente moe, sira deskobre katak sira Molik maibe antes seidauk han aifuan neebe Maromak bandu lae.
“Nemak kuandu ita kuandu moris laho Maromak, kuandu ita moris lafiar iha nain Maromak des-obidese ba Nain Maromak nia ordem sira mak ita mos sei sente moe ita mos sei sente laiha kbiit, ita mos sei laiha ksolok, ita mos sei sente izolado tanba ita nia kbiit ita nia forsa, ita nia diak, ita nia ksolok mak buat aat neebe mai husi diabo.
Iha evanjelhu hatudu ba ema oinsa ema tenke tau aan iha nain Maromak nia prezensa empora iha tentasaun oin oin nia leet.
Jesus hatudu ba ema katak, iha moris nee laos deit eskoila konaba poder, laos eskoila rikusoin mundu nia, no laos fiar mundu nia, maibe buat rihun rahun iha mundu ida nee neebe dala barak taka ema nia fuan, matan, taka konsiensia no neon atu hili buat neebe nain Maromak hakarak.
(eme)
