DILI, STLTIMORLESTE.com – Governador Banku Sentral Timor Leste (BCTL – sigla português), Helder Lopes hatete, Timor Leste uza osan dolar Amerikanu nia vantajen mak asegura estabilidade, maibe desvantajen mak laiha politika monitaria.
“Estudu ami halo ona, estudu lubuk ida neebe halo ona mais estudu boot liu mak halo fundu monitaria internasional rejultadu estudu nee espera sai antes tinan ida nee remata, no rezultadu pleminariu husi estudu nee hatete katak bainhira uza dolar bele asegura estabilidade katak valor dolar nee diak tanba forte nunee estbalidade nee iha, maibe tanba ita uza dolar ita la halo politika monitaria nee kestaun oituan mais hau esplika jeral, ita la halo politika monitaria, Banku Sentral Timor Leste labele halo politika monitaria iha sentidu osan hira ita sirkula iha ekonomia, osan hira mak bele dada para bele influensia atividade ekonomika, ita la halo ida nee, ita laiha fleksiblidade katak ita laiha instrumentu atu kontrola osan hanesan suplay osan iha ekonomia liu husi politika monitaria,” hatete Helder ba jornalista sira, bainhira remata hasoru malu ho Prezidente Republika iha Palasiu Prezidensial, Nicolau Lobato, Bairo Pite, Dili, Kuarta (27/11/2024).
Nia hatete, uza dolar nia vantajen mak iha estabilidade maibe desvantajen ida mak laiha fleksiblidade tanba la halo politika monitaria, serake uza dolar kontribui diak liu ba produtividade ekonomika ka lae, estudu premilinaria sira nee hatudu katak utiliza dolar ladun promove produtividade ekonomika.
“Husi BCTL saida mak ami halo mak ami kontinua halo estudu hodi komprende lai ita nia vantajen no desvantajen husi utilizasaun dolar, agora depois kontinua suporta governu hodi ami halo ami nia parte oinsa dezenvolve ita nia ekonomia too pontu ida mak ita halo ita nia komunikasaun parte relevante hotu katak, ita iha ona kondisaun para bele konsidera bele kontinua dolar ou muda rejime foun ida nee sei halo diskusaun diak depois mak halo desizaun,” dehan Helder.
Helder hatutan, moeda nee instrumentu ida uza iha ekonomia Timor Leste, maibe kuandu halo desizaun troka instrumentu nia efetu nee boot tanba nee tetu didiak antes foti desizaun, nunee labele halo povu sofre no ekonomia sofre.
Tanba presiza halo estudu neebe diak ho FMI, rezultadu estudu nee iha kredibilidade ajuda Timor hodi halo desizaun ho lo-loos.
Daudaun nee uza dolar entaun Moeda labele iha nota ou kertas nota nee uza dolar amerikanu nian, no daudaun nee sentavus amerikanu nia laiha ona maibe uza sentavus Timor Leste nian.
Entretantu kona-ba osan falsu neebe kontinua mosu iha Timor Leste, Governador BCTL nee dehan, iha lei regula ida nee katak, atividade finanseira ilegal nee labele akontese, “Ita bolu lei brakamentu kapital no anti finansiamentu terorizmu. Lei nee iha no iha nivel nasional laos servisu BCTL deit, maibe servisu hamutuk ho entidade hotu liu-liu polisia nunee halo prevensaun,” hatete Governador BCTL nee.
(eme)
