DILI, STLTIMORLESTE.com – Valor la prienxe kriteriu iha ezame nasional ba anu letivu 2024, mak estudante nain 4 husi Ensinu Baziku Sentral (EBC – sigla português) Manleuana reprovadu.
Lia hirak nee hatoo husi Diretor EBC Manleuana, Carlos Correia ba STL iha nia knaar fatin, Segunda nee (26/12/2024).
“Rezultadu ezame nasional nee ninia klasifikasaun iha EBC Manleuana nee sira nain 8, neebe primeiru lugar nee 46, segundu lugar 45, terseiru lugar 44, nee duni total ami nian estudante neebe partisipa iha ezame nasional nee hamutuk 270, maibe aumenta tan eskola internasional husi Santu Antonio ninia nian 4, hamutuk 279, neebe sira neebe liu ezame nasional 275, la liu nee mak nain 4,” nia afirma.
Carlos dehan, nain 4 neebe la pasa nee tanba la prienxe kriteria, tanba sira nia valor mak la too, sira nain 4 nee feto 1 no mane nain 3, tanba nee ohin inan aman estudante mak mai simu rezultadu, no sira nain hein iha liur.
(jac)
