DILI, STLTIMORLESTE.com – Estudantes husi Ensinu Baziku Sentral (EBC – sigla português) Fatumeta hamutuk 730 mak partisipa iha ezame pasajen, maibe pasa ou la pasa nee valor mak sei temina iha ezame pasajen.
Asuntu nee hatoo husi Diretor EBC Fatumeta, Cornelìo Sequeira dos Santos ba STL iha nia knaar fatin, Tersa nee (19/11/2024).
“Hau hanoin ezame pasajen nee lao ho diak, ohin ba loron daruak ninia, nee duni ita nian estudantes sira tuir ezame ho diak too ohin loron, agora ba sira neebe mak durante nee la tama, maibe laos hotu-hotu. Iha ida rua neebe la tama, tanba durante nee ami fo xamada beibeik, dala ruma karta xamada neebe ami fo ba labarik sira la fo ba inan aman, maibe horiseik ezame sira mai tuir,” dehan nia.
Tanba Tuir Cornelio katak, maske durante nee estudantes sira falta iha aprendizajen, maibe lei fo dalan ba estudantes sira nee partisipa iha ezame, tanba nee sira nian direitu no eskola labele duni sai sira, no husik sira hotu tuir ezame pasajen, tanba atu pasa ou la pasa nee depende ba sira idak-idak nia valor.
(jac)
