DILI, STLTIMORLESTE.com – Tuir Komunikadu imprensa neebe STL asesu iha media F-FDTL katak, Vise Xefe Estadu Maior Jenerál FALINTIL-Forsa Defeza Timor Leste (F-FDTL), Majór Jenerál Calisto Santos “Coliati” simu vizita Kortejia husi Adido Defesa Naval do Exército no Aeronáutika, bá Indonézia Vietnam inklui Timor Leste, Koronel Vitor Hugo BERGAMASCH, husi Nasaun Brazil.
Objetivu husi vizita kortezia nee hanesan parte ida atu hametin diak liu tan servisu Kooperasaun Teknika Militár entre Forsas Armadas Timor Leste no Forsas Armadas Brazileiru nian iha futuru.
Depois fo hanoin deit katak Kooperasaun entre F-FDTL ho Forsas Armadas Brazil nian hahu kedas iha inisiu harii Unidade Polisia Militár (PM) hodi fo treinamentu ba kadetes Foun Unidade Polisia Militár (PM).
Entretantu tuir planu durante iha Timor Leste, Adido Defeza Brazil Koronel Vitor Hugo BERGAMASCH mós sei halo vizita Kortejia bá Komponente Terrestre, Komponente Naval, Komponente Aéreo nomos Unidade Polisia Militár (PM).
(jen)
