DILI, STLTIMORLESTE.com – Vitima dezastre naturais (DN) iha area Munisipiu Dili, simu ona material rekuperasaun husi Sekretariu Estadu Protesaun Sivil.
Sekretariu Estadu Protesaun Sivil (SEPS) Domingos Mariano Reis esplika, asistensia rekuperasaun ba vitima DN sira nee bazea ba Dekretu Lei Nu. 7/2021. Artigo 6 husi dekretu nee, delega kompetensia ba SEPC hodi fo asistensia rekuperasaun ba vitima DN sira.
DN neebe akontese, iha tipu oin 3 mak hanesan, vitima neebe hetan estragus total, naton no Kaman. SEPC iha kompetensia fo ajuda material rekuperasaun ba vitima sira, esplika SEPC Domingos Mariano Reis iha Edifisiu APC Caikoli, Tersa (29/4/2025).
Ema hotu hatene iha dia 4 de Abril 2021, akontese DN boot iha Dili laran. Nee sai referensia ba Timor-Leste. Relatoriu Banku Mundial hatudu katak, inundasaun boot nee halo TL lakon rikusoin, purvolta US$45 miloens, ema mate nain 45. Relasiona inundasaun boot nee, governu liu husi SEPC, atu halo rekopresaun ba vitima DN sira, hahu husi Lospalos ba too RAEOA.
Ih semana kotuk, vitima neebe SEPC rekopera hamutuk 4.97 mil. Nee iha kategoria tolu, hanesan tuir mai nee: aat total, konta hamutuk 104, aat naton 69, aat kaman 311. Total orsamentu ba rekopera vitima 497 nee, total orsamentu trezentus sinkuenta kuatru mil, no vesentus sinkuenta $354.950 rekupera ba vitima sira.
Ba vitima neebe sira nia sasan aat kaman tanba inundasaun boot iha dia 4 de Abril 2021, sei simu osan $600 ($150 ba transporte, 450 ba maun de obara), aat naton sei simu $750 ($150 ba transporte, $600 ba maun de obara), kategoria estragus total sei simu mill $150 ba transporte no $850 ba maun de obra.
Vitima DN dia 4 de Abril 2021, Francisco Coreia do Santos iha Suku Bidau Santana, Postu Adm. Cristo Rei hatoo agradese wain ba SEPC ho nia ekipa sira neebe halo ona verifikasaun ba vitima DN tinan 2021.
(est)
