DILI, STLTIMORLESTE.com – Tuir observasaun neebe STL asesu iha terenu katak, vitima Tomas Vilanova de Jesus dos Reis, tinan 2O, neebe deskonfia ema oho iha Munisipiu Vikeke, Postu Administrativu Watulari, Suku Makadiki, Aldeia Lutuqia, mate isin oras nee sei iha mortuariu seidauk bele autposia, tanba mediku neebe halao autopsia seidauk iha fatin.
Matebian Tomas Vilanova de Jesus dos Reis deskonfia oho iha mate uma, depois familia evakua matebian mai halo tratamentu iha HoREX Baukau, maibe la konsege salva nia vida, tanba hetan sona dala tolu iha kotuk laran, tanba nee kontinua evakua mai iha mortuariu hodi halao prosesu autopsia, maibe too agora seidauk halo autopsia.
Familia husu Matebian Tomas Vilanova de Jesus dos Reis lakohi temi naran informa, mate isin lori husi HoREX Baukau, tuku 08:00 dader, maibe too agora seidauk bele halo autopsia, tanba nee sira husu para tenke halo autopsia lalais hodi lori matebian ba iha nia uma, nunee halo kultura funebre tuir lisan Munisipiu Vikeke nian.
Kazu omisidiu nee akontese iha Suku Makadiki, kazu nee akontese tanba vitima ho autor lanu, depois diskuti malu mak akontese nain ida lakon vida, no daudaun nee autor detein ona iha sela PNTL Baukau.
(jen)
