DILI, STLTIMORLESTE.com – World Vision iha Timor Leste apoiu Ekipamentu hanesan Leptop 13, Motorizada 8, tablet 8 no sound system portavel 8 ba Pesoal Saude sira husi Munisipiu Aileu, Baukau, Bobonaru, Kovalima, Ermera no Manatutu.
“Ohin ita mos sei halo tranzisaun patrimoniu programa VAHSI ba Ministeriu Saude inklui laptop 13, motor 8, tablet 8, no sound system portavel 8 ba departamentu nasional relevante no alvu saude munisípiu nian,” dehan Diretor Nasional World Vision iha Timor-Leste, Jared William Barrends liu husi diskursu iha JL.World Metiaut, Dili, Kinta (12/12/2024).
Nia dehan, patrimoniu xave hirak nee sei haforsa sira nia kapasidade atu monitoriza no implementa programa EPI no promosaun saude nian.
Iha fatin hanesan, Diretor Nasional Politika no Kooperasaun iha Ministeriu Saude (MS), Narciso Fernandes esplika, World Vision hamutuk ho parseiru sira hodi apoiu ekipamentu hanesan motorizada, leptop no sasan sira seluk tan hodi entrega ba servisu saude munisípiu sira, tenke utuliza sasan hira nee ho diak.
Nueee mos Diretor Servisu Saúde Munisípiu Ermera, Antonio de Deus Fatima esplika, kona-ba Ekipamentu hanesan Leppop, Motorizada, tablet nomos sound system neebe atu fahe ba munisipiu neen, maibe Munisipiu Ermera sei simu motorizada ida no Leptop 2, tablet 2 hanesan mos sound system.
(jen)
