DILI, STLTIMORLESTE.com – World Vision hamutuk ho parseiru sira hanesan UNICEF, DFTA realiza enkotru hodi haree fila fali progresu vasinasaun Covid-19 neebe finaliza ona ho 90% liu.
Diretor Nasional World Vision iha Timor Leste, Jared William Barrends dehan, durante pandemia Covid-19 neebe mak afeta makaas ba servisu saude nian, partikularmente iha area remota sira.
“Ami mos apoia esforsu sira resposta emerjensia nian, pandemia nee agrava dezafiu sira neebe eziste, hodi hamosu diminuisaun iha servisu imunizasaun. Konsekuentemente, populasaun substansial neebe seidauk hetan vasinasaun ba Covid-19 no sarampu, no rubeola persiste iha nasaun tomak, neebe nesesita kampanha mobilizasaun sosial ida neebe forte atu hasae konsiénsia no hasae taxa vasinasaun iha nivel suku,” hatete Jared William Barrends liu husi diskursu iha JL.World Meti-aut, Dili, Kinta (12/12/2024).
Tanba tuir nia, iha tinan kotuk parseria ho UNICEF no finansia husi DFAT liu husi program VAHSI, sira servisu hamutuk Ministeriu Saude ba esforsu hadia kobertura imunizasaun nian liu husi integra Covid-19 no vasinasaun rutina sira liu husi sira nia plataforma sira neebe estabelese ona bazeia ba komunidade.
Inisiativa ida nee ho susesu alkansa individu rihun rua nulu resin ida, atus-tolu rua-nulu resin ida (21,321). Iha munisípiu alvu neen (Aileu, Baukau, Bobonaru, Kovalima, Ermera no Manatutu) signifikativamente hasae konsiensia konaba importansia atu asesu ba tantu Covid-19 no imunizasaun rutina sira hanesan rezultadu neebe hatudu ona.
No Workshop ida nee fo oportunidade ba reflesaun neebe nakloke no onestu ba obstakulu sira neebe impede nia progresu, hodi informa hotu-hotu esforsu iha futuru iha Programa Ampliadu kona-ba Imunizasaun (EPI) Ministeriu Saude nia prioridade sira nia okos.
Maibe progrseu ba vasinasaun Covid-19 nia progresu diak tebes, tanba Ministeriu Saude (MS) atu banati tuir referensia hodi lori diak liu tan ba imunizasaun rutina iha futuru mai no ba programa sira seluk para halo referensia hadia no melhoramenu ba Pesoal Saude (PS) hodi atende ba povu ho diak.
Iha fatin hanesan, Diretor Nasional Politika no Kooperasaun, iha Ministeriu da Saude (MdS), Narciso Fernandes hatete, Workshop ida nee realiza husi World Vision hamutuk Ministeriu Saude (MS) atu refleksaun ba implementasaun liu husi integrasaun vasina Covid-19 no rutina, tanba enkotru ida nee importante tebes ba Servisu Saude Munisipiu neen neebe partisipa husi Parseiru sira.
(jen)
